SOCIAL MIND
മധു എന്ന നടൻ -
-------------------
    മധു - അഭിനയിക്കാനായി ,1933 ഇൽ ജനിച്ച ഒരു മഹാപ്രതിഭ ! 1962 ഇൽ ഒരു കോളേജ് അദ്ധ്യാപകനായിരുന്ന അദ്ദേഹം ,ജോലിയുപേക്ഷിച്ച്‌ നാടകാഭിനയത്തിനിറങ്ങി . ദില്ലി നാഷണൽ സ്കൂൾ ഓഫ് ഡ്രാമയിൽ ചേർന്ന് അഭിനയം ചിട്ടപ്പെടുത്തി . അധികം വൈകാതെ സിനിമയിലെത്തി .രാമു കാര്യാട്ട്‌ സംവിധാനം ചെയ്ത 'മൂടുപടം' ,ആദ്യചിത്രം (1963 ). പിന്നീട് 'നിണമണിഞ്ഞ കാല്പാടുകൾ '(N .N .പിഷാരടി -63 ), 'ഭാര്ഗവിനിലയം '(എ.വിന്സന്റ് -64 ), 'മുറപ്പെ ണണ് '(വിന്സന്റ് -65 ), 'ചെമ്മീൻ '(രാമു കാര്യാട്ട്‌ -66 ), 'രമണൻ '(67 ), 'തുലാഭാരം '(68 ), 'ഓളവും തീരവും ' (P .N .മേനോൻ -70 ), 'സ്വയംവരം '(അടൂർ -72 )..തുടങ്ങി ആദ്യകാല ചിത്രങ്ങൾ മതി , അദ്ദേഹത്തിന്റെ അഭിനയശേഷി മനസ്സിലാക്കാൻ . മൂടുപടത്തിലെ അംബികയുടെ രണ്ടാം ഭര്ത്താവ് , നിണമണിഞ്ഞ കാല്പാടുകളിലെ പട്ടാളക്കാരൻ , ഭാര്ഗ്ഗവിനിലയത്തിലെ സാക്ഷാൽ വയ്ക്കം മുഹമ്മദ്‌ ബഷീർ , ചെമ്മീനിലെ പരീക്കുട്ടി , രമണനിലെ മദനൻ , ഓളവും തീരത്തിലെ ബാപ്പുട്ടി ,സ്വയംവരത്തിലെ വിശ്വം ,.. സ്കൂളിൽ പഠിച്ചിരുന്ന കാലത്ത് ,ഗ്രാമീണ വായനശാലകളിൽ നിന്ന് ഈ പുസ്തകങ്ങളെടുത്ത് വായിച്ചിട്ടുണ്ട് , അതിലെ കഥാ പാത്രങ്ങളെ ഓർമയുമുണ്ടായിരുന്നു .ഈ കഥാ പാത്രങ്ങൾ വെള്ളിത്തിരയിൽ വന്നപ്പോൾ അത്ഭുതം കൊണ്ടിട്ടുണ്ട് .അതേ വേഷങ്ങൾ . കഥാ പാത്രങ്ങൾ കൂടുതൽ ശക്തിയായി മനസ്സിൽ പതിഞ്ഞു .സ്റ്റുഡിയോ രംഗങ്ങൾക്ക്  കൃത്രിമത്വം തോന്നിച്ചിരുന്നെങ്കിലും ,ഓളവും തീരവും , ചെമ്മീനും യഥാർത്ഥ സ്ഥലങ്ങളിൽ ചിത്രീകരിച്ചതുകൊണ്ട് അതും ഗംഭീരമായി . ചെമ്മീനിലെ പരീക്കുട്ടിയും ,ഓളവും തീരത്തിലെ ബാപ്പുട്ടിയും , സ്വയംവരത്തിലെ വിശ്വനും ഇത്ര ശക്തമാകുമെന്ന് സംവിധായകർ പോലും കരുതിയിരിക്കയില്ല . അതായിരുന്നു മധുവിലെ നടന്റെ കഴിവ് ..അതിനുശേഷം 2015 വരെ 348 ചിത്രങ്ങൾ ; J .C .ഡാനിയൽ അവാര്ഡ് , ബഹദൂർ , തോപ്പിൽ ഭാസി , പി .ഭാസ്കരൻ , സത്യൻ , പ്രേംനസീർ പുരസ്കാരങ്ങൾ ,കേരള ഗവ :ഫിലിം അവാര്ഡ് മൂന്ന് കൊല്ലം (വിവിധ വിഭാഗങ്ങളിൽ ആയി ), ഫിലിം ക്രിറ്റിക്സ് അവാര്ഡ് , പദ്മശ്രീ ..
    ഇക്കഴിഞ്ഞ വ്യാഴാഴ്ച (10 th ),തൃശ്ശൂർ ചലച്ചിത്രകേന്ദ്രം , അദ്ദേഹത്തെ ,മൂന്നാമത്തെ കാട്ടൂക്കാരൻ വാറുണ്ണി ജോസഫ് അവാര്ഡ് കൊടുത്ത് ആദരിക്കുകയുണ്ടായി . അവാര്ഡ് സമ്മാനിച്ചത്‌ പ്രശസ്ത സംവിധായകൻ K .S .സേതുമാധവൻ ..എന്റെ ഒരു സംശയം അന്നത്തോടെ മാറിക്കിട്ടി . ആരെയും കൂസാത്തവനും , ഗൌരവവും തിരക്കുമുള്ള ആളാണെന്നുള്ള തെറ്റിധാരണ . 4 മണിക്ക് മീഡിയ വിദ്യാർഥികളുമായുള്ള സംവാദം , അതിനുശേഷം ST .Thomas കോളേജ് സ്ക്വയറിൽ നടന്ന 8 മണി വരെ നീണ്ടുപോയ അവാർഡു ദാനം..ഈ സമയമെല്ലാം ഒട്ടും ധൃതി കാണിക്കാതെ , എല്ലാവരുടെയും പ്രസംഗങ്ങൾ ആസ്വദിച്ച് , അവസാനം തമാശയിൽ കുതിര്ന്ന തൃശൂർ സ്മരണകൾ അയവിറക്കി പ്രസങ്ങിക്കുകയും ചെയ്തു -"മൂടുപടം റിലീസ് ചെയ്തപ്പോൾ , തൃശ്ശൂർ രാമവര്മ്മ തിയേറ്ററിൽ രണ്ടാം ഷോക്ക് ചെന്നിരുന്നു .തൊട്ടുമുന്നിൽ ഒരു ഹാജിയാർ കൂടെ ഒരു പയ്യനുമായി .സിനിമയുടെ രണ്ടാം പകുതിയിലാണ് ഞാൻ വരുന്നത് , അംബികയുടെ രണ്ടാം ഭർത്താവായിട്ട് .ആദ്യത്തെ ഭര്ത്താവ് പ്രേംനസീർ . എന്നെ തിരശീലയിൽ കണ്ട ഉടനെ ഹാജിയാര് പയ്യനോട് ,'ഇതാരാണ്ടാ , ഈ ക്ഷയ രോഗി ? അത് മാധവൻ നായർ എന്ന പുതിയ നടനാണ്‌ ..എന്തായാലും ആ വാശി തീര്ത്തത് ഈ തടി വയ്ചിട്ടാണ് .".തുടർന്ന് ത്രിശൂര്ക്കാരോടുള്ള നന്ദിയും കടപ്പാടും പറയുകയും രേഖപ്പെടുത്തുകയും ചെയ്താണ് അദ്ദേഹം പോയത് ..അഭിനയിക്കുമ്പോൾ കഥാ പാത്രങ്ങളാകുക , അതിനുശേഷം യഥാർഥത്തിലുള്ള വ്യക്തിയാകുക ..ഇതെത്ര പേര്ക്ക് കഴിയുന്നുണ്ട് ?

UNNIKRISHNAN, KODAKARA
- WINS CHIEF MINISTER'S GOLD MEDAL-
For BEST FOREST OFFICER MEDAL' 2015
UNNIKRSHNAN (KAVITHA), is the only Forest police officer from Thrissur District to win FOREST MEDAL'2015. Totally 70 police officers were awarded.
Medal was awarded personally by CHIEF MINISTER,Umman Chandy in the INDEPENDENCE DAY Function.
He was given a public reception following that.

 

SOCIAL MIND

‘Merdeka Square’,Kuala lumpur-

Also known as ‘Dataran Merdeka’ which means Indepedence square. Once called as Padang (field), this was the Cricket ground belonging to the neighbouring Royal Selanger club, built in 1884. Adjuscent to it is the old Administrative building of British Malaya, built in 1897. It is now occupying Ministry of Information, communication, and culture. British flag had came down on 30^th August, 1957 minight..It is a beautiful garden square, with victorian fountain inside. This was brought here from England in 1904, and erected.

     Malasya with 10% size of India and population of 2.9 crores . 60% people are Muslims. They still hold western and other cultural monuments as precious. Free Parlimentary democracy is followed, Sultan the King is given the due respect, as in UK etc. Civil society lead their life according to the present modern style, in dress, talk, interaction. Palm tree cultivation for palm oil, rubber are there, but their main income is from business. They tap their own petrol, and it is cheap (1 litre cost 1 Ringitt =20 Rs.). Tourism also is another income. There is one Ginting highland hotel, named as ‘World first Hotel’ , of 12 floor with 6150 rooms, on the top of Ginting hill 6000 ft above sea level. By going there by ropeway, it is a world in itself with all types of activities including gambling casinos.. People are enjoying freedom. Religion has no role.

MALASYA

SOCIAL MIND
കലാലയ ജീവിതം ഇങ്ങനെയും -
------------------------------

-------
  എട്ടും പൊട്ടും തിരിയാത്ത പ്രായത്തിൽ ഞാൻ പത്താം ക്ലാസ് പാസ്സായി (1974 ). ഹെഡ് മാസ്റ്റർ നാരായണൻ കര്ത്താ ആദ്യമായിട്ടൊന്ന് ചിരിച്ചു . അതുവരെയുള്ള വർഷങ്ങളിലേക്കാൾ കൂടുതൽ മാര്ക്ക് കണ്ടിട്ടാകാം . എന്തിനാണ് ചേരുന്നതെന്ന് ചോദിച്ചു . തീരുമാനിച്ചിട്ടില്ല എന്ന് പറഞ്ഞു .എന്തൊക്കെയാണ് കോഴ് സുകളൊക്കെ എന്നറിഞ്ഞാലല്ലേ പറയാൻ പറ്റൂ .(അന്ന് സാറിനോട് ചോദിച്ചാൽ മതിയായിരുന്നു ; പക്ഷെ ഒന്ന് ചിരിച്ചു എന്ന് വിചാരിച്ച് അമിതസ്വാതന്ത്ര്യം വേണ്ട എന്ന് വിചാരിച്ചു ). കോളേജിൽ ചേരേണ്ട സമയമായപ്പോൾ അടുത്തുള്ള എന്റെ LP സ്കൂൾ ഹെഡ് അന്തോണി മാഷെ കണ്ടു . പാടം പണിയിപ്പിക്കുന്നതിൽ നിന്ന് അപ്പോൾ വന്നിട്ടേ ഉള്ളൂ . എന്റെ SSLC പുസ്തകം നോക്കി ,"ആനന്ദന് കണക്കിലാണ് കൂടുതൽ മാര്ക്ക് .അതുകൊണ്ട് ഫസ്റ്റ് ഗ്രൂപ്പ് ആണ് എടുക്കേണ്ടത് ". എന്റെ താല്പര്യങ്ങളൊന്നും ആള് ചോദിച്ചത് പോലുമില്ല . അദ്ദേഹം തന്നെ അപ്പ്ലിക്കേഷൻ പൂരിപ്പിച്ചു തന്നു .ഞാനത് ,എനിക്കെളുപ്പം പോയിവരാവുന്ന ഇരിഞ്ഞാലക്കുട ക്രയ്സ്റ്റ് കോളേജിൽകൊണ്ടുകൊടുത്തു .2 മാസം കഴിഞ്ഞപ്പോൾ കണക്ക് മടുത്തു . അടുത്ത് രണ്ടാം ഗ്രൂപ്പിന് പഠിക്കുന്ന ദിവാകരനുണ്ട് ;ആളുടെ റിക്കോര്ട്  നോക്കി എഴുതാം ,സംശയങ്ങളും ചോദിക്കാം .പ്രിന്സിപ്പാൽ ഗബ്രിയേലച്ചനെ കണ്ടു .ആള് സമ്മതം മൂളി .പിന്നെ രണ്ടാം ഗ്രൂപ്പിലായി പഠനം .
         ക്രയ്സ്റ്റ് കോളേജ് ദേവമാത പ്രൊവിൻഷ്യലിന്റെ കീഴിലുള്ള ക്രിസ്ത്യൻ കോളേജ് ആണ് . ഗബ്രിയേലച്ചനാണ് അതിന്റെ സ്ഥാപകനും പ്രിന്സിപാളും . ഞാൻ ചേരുന്നതിന് മുമ്പ് അവിടെ പഠിച്ചുപോയ ചിലരാണ് ,ഇപ്പോഴത്തെ ISRO ചെയർമാൻ രാധാകൃഷ്ണൻ , ഇപ്പോഴത്തെ DIG സെൻകുമാർ , സംവിധായകൻ കമൽ , കാന്സർ ചികിത്സ വിദക്തൻPV ഗംഗാധരൻ തുടങ്ങിയവർ . എന്നാൽ അതിലൊന്നും പെടാത്ത , അച്ചന്മാരെ വെല്ലുവിളിച്ച് അവിടെനിന്ന് പാസായിപോയ K .വേണു , കവി സച്ചിദാനന്ദൻ എന്നിവരായിരുന്നു എന്റെ ജീവിതത്തെ തന്നെ പിന്നീട്  മാറ്റിമറിച്ചത് . സച്ചിദാനന്ദൻ സാർ എന്റെ ഇംഗ്ലീഷ് പ്രൊഫസ്സറായി . കോളേജിലെക്കുള്ള മനോഹരമായ നടപ്പാതയിലൂടെ ഒരുവശം ഒതുങ്ങി ,കാലുകുടയും കുത്തി സൌമ്യനായി നടക്കുന്ന ഈ മനുഷ്യനാണോ തീ പാറുന്ന വിപ്ലവ കവി എന്ന് സംശയം തോന്നിയിരുന്നു . ക്ലാസ്സിൽ നോട്ടൊക്കെ എഴുതിയെടുക്കാൻ പാകത്തിൽ കുട്ടികളെ സഹായിക്കുന്ന അദ്ധ്യാപകൻ , ആനുകാലികങ്ങളിലൊക്കെ കടിച്ചാൽ പൊട്ടാത്ത കവിതകളും ലേഖനങ്ങളും ! അക്കാലത്താണ്  അരവിന്ദന്റെ  'ഉത്തരായണം 'വന്നത് .ഇരിഞ്ഞാലക്കുട പ്രഭാതിൽ .പോയികണ്ടു .ഒന്നും മനസ്സിലായില്ല .പിന്നീട് ഞങ്ങളൊക്കെപ്പാടെ ഉണ്ടാക്കിയ ENHACT എന്ന സംഘടനയുടെ വക സാറിന്റെ ഒരു ചര്ച്ച വച്ചു - "ചോദ്യങ്ങൾ ചോദിക്കാനുള്ള കഴിവുണ്ടാകുക എന്നതാണ് പ്രധാനം ,ഉത്തരം കണ്ടുപിടിക്കലല്ല "എന്ന കുമാരൻ മാസ്റ്ററുടെ രവിയോടുള്ള വാക്കുകൾ , സാർ വിവരിച്ചപ്പോൾ വളരെ അർത്ഥവത്തായി തോന്നി .അതുപോലെ ,അതിലെ കഥാ പാത്രങ്ങളായ രവിയുടെ മുത്തച്ഛൻ ഗാന്ധിയനായ മാധവമേനോൻ , വിപ്ലവകാരികളായ കുമാരൻ , അച്ചു , ആവേശം കൊണ്ട് വിപ്ലവത്തിൽ വന്ന് ,മാപ്പുസാക്ഷിയായ കുട്ടൻ , സഹയാത്രികരെ ഒറ്റികൊടുത്ത് വഴിപിരിഞ്ഞുപോകുന്ന ഗോപാലൻ , ബ്രിട്ടീഷുകാരുടെ സ്തുതിപാടകനും ഭീരുവുമായ അധികാരി , അയാളുടെ വീട്ടിൽ 'രണ്ടും 'തിരക്കി ഇടക്കിടക്ക് വരുന്ന ഇൻസ്പെക്ടർ , രവിയുടെ ശുദ്ധയായ മുത്തശ്ശി ..പിന്നെ സിനിമ ഒന്നുകൂടി കണ്ടപ്പോൾ കാര്യങ്ങൾ മനസ്സിലായി .പിന്നെ അവിടുന്നങ്ങോട്ട് സിനിമ (സ്വയംവരം , നിര്മാല്യം ..)പുസ്തകങ്ങൾ (ജാരന്മാരുടെ പാണ്ഡവപുരം , മീസാന്കല്ലുകളുടെ മയ്യഴിപുഴ , രവിയുടെ കസാക്ക് , അവഗണനയുടെ കാലം ..), സചിദാനദന്റെയും ശങ്കരപ്പിള്ളയുടെയും ,ആറ്റൂരിന്റെയും കവിതകൾ ..ഇതുകൂടാതെ അതാ കിട്ടുന്നു, അപ്പോഴേക്കും വിപ്ലവനേതാവായിമാറിയ K .വേണുവിന്റെ 'പ്രപഞ്ചവും മനുഷ്യനും 'ലോകത്തിലുള്ള സകല വിജ്ഞാനവും ഒറ്റ പുസ്തകത്തിൽ ! അതിലെ പ്രപ ഞ്ചൊല്പ്പത്തി തൊട്ട് ചരിത്രപരമായ ഭൗതികവാദം വരെ മനസ്സിനെ പിടിച്ചുനിര്ത്തുന്ന ഒട്ടനവധി കാര്യങ്ങൾ ..പിന്നെ അധികം വേണ്ടിവന്നില്ല , മനസ്സ് ഒരു വശത്തേക്ക് ചരിയാൻ . സചിദാനദന്റെ നേതൃത്ത്വത്തിൽ 'ഇന്ന് 'എന്ന കവിത മാസിക , നേരത്തെ പറഞ്ഞ ENHACT ലും ലിട്ടററി ക്ലബിലുണ്ടായിരുന്ന രത്ന മോഹൻ എഡിറ്ററായി 'വിദ്യാഭ്യാസമെന്ന ഗൂടാലോചന ' എന്ന കോളേജ് മാഗസിൻ , ..അപ്പോഴേക്കും ദിവാകരന്റെ ക്ലാസ് മേറ്റും സുഹൃത്തുമായിരുന്ന സുബ്രമണ്യ ദാസ് വിപ്ലവപ്രവർത്തനത്തിനായി പോകുകയാണെന്ന് പറഞ്ഞ് പോയി ..
      ഈ സമയത്തൊക്കെയും അടിയന്തിരാവസ്ഥയും . "നാവടക്കൂ പണിയെടുക്കൂ ", "ഇന്ത്യയെന്നാൽ ഇന്ദിര, ഇന്ദിരയെന്നാൽഇന്ത്യ " എന്നീ ഗീബല്സധാര്ഷ്ട്യങ്ങളും ! പോരേ പൂരം ? " ഇനി എനിക്ക് ചിലത് പറയാനുണ്ട് ..നമ്മുടേത്‌ ഒരു തുറൂകണ്ണൻസമയമാണ് .എന്റെ ഒരു സഹപാടി ആൽമഹത്യ ചെയ്തു , രണ്ടു മിത്രങ്ങൾ വിഷം കഴിച്ചു .മൂന്ന് പേര്ക്ക് ഇപ്പോഴും ഭ്രാന്താണ് . ഇതിൽ കൂടുതൽ എനിക്കൊന്നുമറിഞ്ഞുകൂടാ . എന്നോടൊന്നും ചോദിക്കുകയുമരുത് ". 'സത്യവാങ്ങ് മൂല'മുള്ള 'ഇന്നിന്റെ 'ഒരു പ്രതിയും കയ്യിൽ പിടിച്ച് ഒറ്റ പോക്കാണ് , കോഴിക്കോട്ടേക്ക് ..

DINESH .K.ANAND
(THRISSUR Engg.College )
Joined Today ( 13-7-2015) for Civil Engineering.
   DINESH passed SSLC with All subject A PLUS fro JMJ English medium school, Athani, Thrissur, being District First Rank.
 He again passed Plus 2, with all A PLUS , in Maths group , From ST.THOMAS COLLEGE , Thrissur

(98 % Marks totally)  

പത്താം ക്ലാസ് മരണം - ഒരു ഫ്ലാഷ് ബാക്ക്
------------------------------

--------------------
സ്കൂൾ വിദ്യാഭ്യാസത്തിന്റെ അവസാന വര്ഷം ! പൊതുജന വിദ്യാഭ്യാസ സമിതി ഹൈ സ്കൂൾ (PVSHS ,പറപൂക്കര ,തൃശൂർ ,1973 -74). കൗമാര പ്രായം ..ഇടതുഭാഗത്തിരിക്കുന്ന പെണ്‍കുട്ടികളെയും , പുതിയതായി ജോലിക്ക് വന്ന സുന്ദരികളായ ടീച്ചര്മാരെയും വേറെ കണ്ണിലൂടെ കണ്ട് തീരുമ്പോഴേക്കും പിരിയാൻ തുടങ്ങുന്ന വര്ഷം ..അതുവരെ ഒരുമിച്ച് നടന്ന് ,വഴിവക്കിലെ മാവുകളില്നിന്നു മാങ്ങ തിന്ന് , ഉച്ചക്ക് ഒന്നും തിന്നാൻ കിട്ടാതെ വരുമ്പോൾ അടുത്തുള്ള പള്ളിയിൽ ചെന്നിരുന്ന് സമയം കളയുന്ന ,കൂട്ടുകാരെ പിരിയുന്ന വര്ഷം . അതിനേക്കാളുപരി , തലേ വര്ഷം വരെ , ന്യൂസ്‌ പേപ്പറിൽ നമ്പർ ഉണ്ടോന്ന് നോക്കി ,നിരാശപെട്ടിരുന്ന എന്റെ സഹോദരങ്ങളുടെയും അടുത്തുള്ളവരുടെയും ദുഃഖം , വീട്ടിൽ വഴക്കുപറച്ചിൽ, കരച്ചിൽ , ഭക്ഷണം കഴിക്കാതിരിക്കൽ , ചേട്ടനൊഴികെ  വേറെയാരും തോറ്റത് പഠിച്ച് SSLC പാസ്സാകാൻ ശ്രമിക്കാതിരിക്കൽ , പത്താം ക്ലാസ് തോറ്റു വീട്ടിലിരിക്കയാണെ ന്നുള്ള പരിഹാസം ..ഒരു 15 കാരന്റെയോ 15 കാരിയുടെയോ ഇളം മനസ്സിൽ പല സാഹസങ്ങൽക്കും തോന്നാവുന്ന അന്തരീക്ഷം . വെട്ടിയാടൻ ചന്ദ്രു തലേ കൊല്ലം പാടത്ത് മരിച്ചു കിടന്നതിന് വേറെ കാരണങ്ങളും ഉണ്ടായേക്കാം ..ഇതൊക്കെ മനസ്സിൽ വച്ചു കൊണ്ടാണ് ഞാനും പത്താം ക്ലാസിലെത്തിയത് ..
     എങ്കിലും , ആദ്യമായും അവസാനമായും സ്കൂൾ വിനോദയാത്രക്ക് ഞാൻ വാശി പിടിച്ചു .അത് എല്ലാ പത്താം ക്ലാസ് വിദ്യാര്ത്തികളുടെ ഒരവകാശമാണ് ; ബാക്കിയുള്ളവർ പോയിരുന്നില്ല എന്നുള്ളത് ,എനിക്ക് ബാധകമല്ല .. അവസാനം പോയി . സ്ഥിരം പീച്ചി -മലമ്പുഴ ടൂർ . അതുപോലെ ആസ്വദിച്ച ഒരു വിനോദയാത്ര പിന്നെ ജീവിതത്തിലുണ്ടായിട്ടില്ല . ബസിലിരുന്നും ,ഉദ്യാനങ്ങലിലിരുന്നും പാട്ട് പാടലും , കൂട്ടായി ഭക്ഷണം കഴിക്കലും ,വഴി മാറിനടക്കാൻ ശ്രമിക്കുന്നവരെ കൂട്ടത്തിലേക്ക് കൊണ്ടുവരുന്നതും ,അവരുടെ ചമ്മലും , ഒരു രാത്രി മാത്രമുള്ള അവസരം , പാലക്കാട് ഗൌഡർ തിയ്യേറ്ററിൽ 'തെക്കന്ക്കാറ്റ് 'എന്ന മധുവും ശാരദയും അഭിനയിച്ച പ്രേമ സിനിമ കണ്ടതും , പിറ്റേ ദിവസം മടങ്ങുമ്പോൾ വാങ്ങിയ പാട്ടുപുസ്തകം നോക്കി ,"പ്രിയമുള്ളവളെ , നിനക്കുവേണ്ടി .."എന്ന പാട്ട് ഉച്ചത്തിൽ പാടിയതും ..അവസാനം സുന്ദരമായ ഒരു ഓട്ടോഗ്രാഫ് പുസ്തകം സ്വയമുണ്ടാക്കി , അതിൽ വേണ്ടപെട്ടവരെകൊണ്ടെല്ലാം ഓട്ടോഗ്രാഫ് എഴുതിച്ച് ,അത് ഇടക്ക് മറച്ചുനോക്കി പരീക്ഷക്ക്‌ തയ്യാറെടുത്തതും, എല്ലാം "എങ്ങിനെ ഞാൻ മറക്കും , കുയിലേ.. "
         എന്തൊരു ടെൻഷനായിരുന്നു പരീക്ഷാകാലത്ത് . ഞാൻ പൊതുവെ ടെൻഷൻകാരനാണ് .എന്നാലും ഇങ്ങനെയുണ്ടോ ഒരു ടെൻഷൻ ? വായിച്ചു അപ്പോൾ വച്ചതുപോലും വീണ്ടും തുറന്നുനോക്കുമ്പോൾ ഓര്മ വരാതിരിക്കുക , ചരിത്രത്തിലെ കൊല്ലങ്ങൾ തെറ്റിക്കുക , ഹിന്ദിയിലെയും ഇന്ഗ്ലീഷിലെയും എന്തിന് മലയാളത്തിലെയും ഗ്രാമർ തെറ്റിക്കുക , കണക്കിലെ അടുത്ത സ്റ്റെപ്പുകൽ മറക്കുക , ദൈവമേ  അതൊന്നും ചോദിക്കാതിരിക്കേണമേ .."നീ പശുവിന് വെള്ളം കൊടുത്തോ ?"അമ്മ . അരിശം ഉള്ളിലൊതുക്കി ഞാൻ കുറെ വെള്ളമെടുത്ത് കുടിക്കും .അത് വരെ , അമ്പത് ശതമാത്തിൽനിന്ന് മേലേക്ക് പൊങ്ങാത്ത സ്കൂളിലെ ,വളരെ കണിശക്കാരനായ HM നാരായണൻ കർത്താ , ചൂരലുമായി കറങ്ങിനടക്കുന്നുണ്ടാകും , പ്രത്യേകിച്ചും പത്താം ക്ലാസ്സുകാർ കറങ്ങുന്നത് കണ്ടാൽ ചൂരൽ കഷായം ഉറപ്പ് .ഒന്നോ രണ്ടോ ഫസ്റ്റ് ക്ലാസുകൾ കിട്ടിയാൽ ,ആ കുട്ടികളെ അസ്സംബ്ലിയിൽ വച്ച് തന്നെ അദ്ദേഹം അഭിനന്ദിക്കും .. അവരുടെ നിലനില്പ്പിന്റെ പ്രശ്നമാണെന്നൊക്കെ  ഇപ്പോഴല്ലേ മനസ്സിലാവുന്നത് . എട്ടാം ക്ലാസിലും ഒമ്പതിലുമൊക്കെ തോറ്റ മുതിര്ന്ന ചേട്ടന്മാരും ചേച്ചിമാരും കൂടെ അപ്പുറത്തും ഇപ്പുറത്തും സമാധാനമായി എഴുതുന്നു .ഞാൻ എല്ലാ പേപ്പറിലും റെജിസ്ടർ നമ്പർ എങ്കിലും തെറ്റല്ലേ എന്ന് വിചാരിച്ച് പേപ്പറിൽ മാത്രം ശ്രദ്ധ . ചേട്ടന്മാർ കളിയാക്കികോട്ടെ .പ്രശ്നമില്ല ..പരീക്ഷ എല്ലാം കഴിഞ്ഞപ്പോൾ എന്തൊരാശ്വാസമായിരുന്നു .സൊല്ല കഴിഞ്ഞ് കിട്ടിയല്ലോ . പിന്നെ ഒരടിച്ചുപൊ ളിയായിരുന്നു , സിനിമക്ക് പോകുക , കുളത്തിൽ മണിക്കൂറുകളോളം നീന്തി തുടിക്കുക ,തുടങ്ങിയവയൊക്കെയായിരുന്നു  കലാപരിപാടികൾ . പക്ഷെ അത് 2-3 ദിവസത്തിനപ്പറം പോയില്ല .മറ്റുള്ള കുട്ടികൾ എഴുതിയ ഉത്തരങ്ങൾ കേട്ട് ആകെ നിരാശനാവാൻ അധികം സമയം വേണ്ടിവന്നില്ല . കൂട്ടലും കിഴിക്കലും കഴിച്ച് പാസാാകുമൊ എന്തോ ? ഒരെണ്ണത്തിൽ തോറ്റാലും അന്ന് തോല്ക്കലാണ് .രണ്ടുമാസത്തോളം അതുപോലെയുള്ളോരു ടെന്ഷൻ പിന്നെ ജീവിതത്തിലുണ്ടായിട്ടില്ല . പത്താം ക്ലാസ് റിസൽട്ട് വരുന്നത് വരെ ..